მცხეთაში მტკვარი გაიყინა

2012.02.06  |  07:15

ადგილობრივი მაცხოვრებლების თქმით მსგავსი შემთხვევა გასული საუკუნის 70-იან წლებშიც მოხდა.

 

"ეს არაფერია.  ჩემს ბავშვობაში მტკვარი ერთხელ ისე გაიყინა, რომ ყინულზე ფეხით დავდიოდით.  მახსოვს, გაყინულ მტკვარზე ზაჰესის ხიდიდან პომპეუსის ხიდამდე ფეხით ამოვედით. ყოფილი სპორტსმენი ვარ. მწვრთნელი გადაირია, როგორ გაბედეთ  ყინულზე გადასვლა, რომ ჩაგტყდომოდათ, დაიხრჩობოდითო. მას შემდეგ ეს მტკვრის გაყინვის მეორე შემთხვევაა," - იხსენებს მცხეთაში მცხოვრები ვანო რაზმაძე.

 

ცნობისთვის, რამდენიმე დღის წინ ყირიმსა და რუმინეთში შავი ზღვაც გაიყინა.