ახალი ამბები ადამიანის უფლებები

„პოლიციის თანამშრომლები იყვნენ მოსულები 2 დღის წინ. ყველა ოჯახში მივიდნენ, ვისაც სატელიტური ანტენა აქვს. ოთახში შემოვიდნენ, ტელევიზორი ჩართეს და ნახეს, რომელი არხები გვაქვს ჩართული. „მაესტრო“, მეცხრე არხი“ და „25–ე არხიც“ გვქონდა. მოგვთხოვეს, რომ „მაესტრო“ და „მეცხრე არხი“ პროგრამიდან ამოვშალოთ“, – აცნობეს მცხეთა – მთიანეთის საინფორმაციო ცენტრს სოფელ ბარისახოში მცხოვრები ერთ–ერთი ოჯახიდან.

შინაგან საქმეთა სამინისტროს ინფორმაციით, დაკავებულები არიან თანამდებობის პირები, რომლებმაც 2012 წლის საპარლამენტო არჩევნებამდე შს ყოფილი მინისტრის ბაჩო ახალაიას დავალებით, განსხვავებული პოლიტიკური შეხედულებების მქონე თანამშრომლები დასაჯეს და აწამეს. გამოძიების ინფორმაციით, ახალაიას ბრძანებით, შვიდი თანამშრომელი გააშიშვლეს, ყელზე გამობმული ქამრით მიწაზე ათრიეს, იარაღის კონდახებით ცემეს, ორმოში ჩაყარეს და ზემოდან მიწა დააყარეს.

რამდენიმე მოქალაქე, რომლებიც 14 ივლისს, ვაჟაობისთვის, დუშეთის რაიონის სოფელ ჩარგალში ჩასულ ბიძინა ივანიშვილს შეხვდნენ და ხელი ჩამოართვეს, ჟინვალის პოლიციაში დაიბარეს.